أحمد سلامة: الإيجابيات في الفن أكتر من السلبيات.. وعصر "السوشيال ميديا" رخيص
أعرب الفنان أحمد سلامة عن غضبه من مصطلح "التريند" والترويج للإشاعات من خلال "السوشيال ميديا" على حساب سمعة الفنانين قائلا: "احنا في الوسط الفني أسرة فنية واحدة وكل واحد معروف هو مين وبنحب بعض وقلبنا على بعض والسوشيال ميديا والإعلام بيوصلوا صورة مغلوطة".
وأضاف أحمد سلامة في تصريح خاص لـ "وشوشة": "في ناس بتعمل خير وحاجات كويسة لكن الإعلام بيسلط الضوء على السلبيات وأنا بصفتي عضو نقابة أجزملك أن الإيجابيات أكتر بكتير من السلبيات وكل مجال فيه الكويس وفي الوحش وزي ما أنا يسلط الضوء على السلبيات المفروض أسلط الضوء على الإيجابيات مع أن ليه اصلا أسلط الضوء على السلبيات".
وتابع سلامة: "منتهى الرخص إني التأثير على شعبية فنان عشان أعمل تريند احنا عايشين عصر صعب جدا عصر السوشيال ميديا احنا في عصر تفسخت فيه العلاقات واتخربت فيه البيوت وانتشرت فيه الإشاعات".