إلهام وجدي: جيناتي خطيرة.. والرياضة سر جمالي!
كشفت الفنانة إلهام وجدي عن سر جمالها ورشاقتها، مؤكدة أن الأمر يعود إلى مزيج بين العوامل الوراثية واتباع أسلوب حياة صحي.
وقالت إلهام، خلال حديثها في برنامج spot light، المذاع على قناة صدى البلد: "أنا أعتقد إن جزء من جمالي راجع للجينات، بابا وماما جسمهم خطير فعلاً، بابا طويل وعريض طوله متر وتسعين، وماما جسمها برضه حلو، وأنا محظوظة إنهم ادوني الجينات دي كده على الجاهز".
وأضافت وجدي أن الجانب الآخر من جمالها يرتبط باهتمامها بالصحة، قائلة: "عمري ما اتمرنت علشان جسمي يبقى حلو، أنا بتمرن علشان عارفة إن ده مهم لصحتي، والنتيجة إن جسمي بيكون كويس، أنا بحب الأكل الصحي وبحب الرياضة جدًا".
وتابعت حديثها: "أنا ساعات بعك، بس مش بعك دايمًا، وبركز على التمارين اللي تخص الجسم فقط، كنت واقفة بقالى سنة ونص، بس رجعت مؤخرًا وبقيت أتمرن كل يوم، وبستمتع فعلاً، الرياضة بالنسبة لي متعة، واليوم اللي بنزل فيه الجيم بحس بسعادة رهيبة".