عمرو أديب يوجه رسالة لنادي الزمالك: انسوا زيزو.. وسيبوه هو وأبوه براحتهم!
وجّه الإعلامي عمرو أديب رسالة واضحة وصريحة لنادي الزمالك، مطالبًا إدارة النادي وجماهيره بطي صفحة اللاعب أحمد سيد "زيزو"، الذي انتقل مؤخرًا إلى صفوف النادي الأهلي، مؤكدًا أن الاستمرار في الحديث عن اللاعب لن يُفيد الفريق في شيء.
وقال عمرو أديب، خلال حديثه في برنامج "الحكاية" المذاع على قناة mbcمصر: "ما زلنا في مولد زيزو، والكلام داير على ليه عند الزمالك كام؟ يا جماعة، أنا بقول لنادي الزمالك: لو سمحتوا شيلوا الموضوع خلاص، انسى زيزو! فليذهب إلى الأهلي، ربنا معاه، ينجح، يفشل، هو وأبوه يعملوا اللي هما عاوزينه".
وأضاف: "دلوقتي الزمالك عنده دوري، عنده بطولات، عنده مشاكل ولاعيبة، انسوا زيزو خالص، وركّزوا في اللي جاي، أما زيزو ووالده فشكلهم لسه بيدوروا على فلوس، عايزين يصطادوا لينا قرشين مخدناهمش".
وتساءل عمرو أديب عن المستحقات التي يطالب بها اللاعب من الزمالك قائلاً: "يعني اللي كان بيتفاوض الفترة اللي فاتت دي، سايب 73 مليون جنيه حقوق في النادي؟ طب هو ليه 73 ولا 9 مليون ولا ملوش حاجة خالص؟".