كمال أبو رية عن الطفل علي البيلي: قالي اشخط فيا علشان أعيش الدور
أشاد الفنان كمال أبو رية بأداء الطفل علي البيلي، الذي يشاركه في مسلسل "لام شمسية"، مؤكدًا أن لديه موهبة فطرية مبكرة تؤهله لمستقبل كبير في عالم التمثيل.
وقال كمال أبو رية، خلال حديثه في برنامج "أسرار النجوم" المذاع على إذاعة نجوم إف إم: "الشاب الجميل والرائع ده عنده مستقبل عظيم، وأنا كنت متابعه وهو بيعمل البروفة، بصراحة هائل جدًا، وعنده إحساس عالي بالرغم من صغر سنه".
وروى كواليس أحد المواقف المؤثرة بينه وبين الطفل، قائلاً: "كلمته برقة لأنه لسه صغير، لكنه قاللي: 'يا أونكل ممكن تشخط فيا علشان أتأثر؟'، هو عايز يعيش الحالة وشايف إن القاضي لو شخط فيه هيعيط ويرتبك، بس أنا شايف إن ده مش حقيقي، لأن القاضي مش هيعمل كده مع طفل".
وأضاف : "أنا ماحبتش أقول له لا علشان ما يزعلش، خصوصًا إنه لسه صغير وممكن يكون مش عارفني كويس، فقولتله يروح للمخرج الأستاذ كريم الشناوي وياخد رأيه، وأنا كنت عارف إن كريم مش هيوافق".
واستكمل حديثه قائلاً: "رجعت قولتله: بص يا صاحبي، وبوست راسه، وقلت له: أنت فنان عظيم. عايز الولد يبقى مرتاح ومايتوترش، وقلت له كمان: لما تيجي تمثل، مثل الحالة بتاعتك أنت، ومثل موقفك أنت".