أول تعليق من كزبرة على سخرية محمد رمضان

"ليه بتقللوا مني بحاجات قديمة وتتريقوا على اسمي".. بهذه الكلمات أعرب مؤدي المهرجانات كزبرة، عن استيائه من التنمر الذي يتعرض له بسبب اسم الشهرة، موجها رسالة غير مباشرة إلى منتقديه، وجاء ذلك تزامنا مع سخرية الفنان محمد رمضان على اسمه خلال حضوره إحدى الفعاليات.

وفاجأ كزبرة الجمهور، بعدما أشار خلال المنشور الذي نشره عبر خاصية استوري "بفي سبوك"، أنه يمر بأزمة نفسية بسبب السخرية والانتقاد الذي يتعرض له.

وكتب كزبرة في المنشور: "أول حاجة الحمد لله على نعمة ربنا عليا وحبكم ورسائلكم الجميلة اللي بتوصلني ورد الفعل الجميل منكم على فيلم الحريفة 2 كلام كتير نفسي أقوله وأعبر بيه ليكم".

وتابع كزبرة:" والله ياجماعة الكلام ده نفسي أقوله من بدري بس حاسس إن ده وقته أنا مش عارف ليه كل لما أنجح في ناس بتحاول تتطلع صورتي وحشة أنا بجد نفسيا مبقتش قادر وبقالي فترة كبيرة كل لما أعمل حاجة حلوة مبقتش عارف اتبسط بيها ونفسيا مش أحسن حاجة".

وكشف كزبرة عن معاناته من التعامل معه على أنه شخصا تافها، حيث قال: "ربنا اللي عالم الواحد كل اللي يهمه إته يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية على أساس إنه شخص تافه مش موهوب والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا في عيب قدام جمهوره وإخواته إلي بيحبوه، زي إن يتنسب لي كلام مقلتهوش أو يتقلل مني بحاجات قديمة عملتها".

واختتم كزبرة: "أحيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم أنا مش عارف ليه وده السبب اللي بيخلي إنسان طيب اول ما ينجح يتحول لإنسان عنده نقص وعنده حرب مع كل اللي حوليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع فأنا ياجماعة مش عايز أوصل للمرحلة دي، أنا عايز أبقى إنسان طيب وفحالي واشتغل على نفسي وأقدملكم فن يعجبكم ويبسطكم هو دة هدفي فبلاش تتعاملوا مع الواحد بأسلوب هو مش حبه وشكرا لكل واحد بيدعمني من قلبه وأى حد بيحب اللي بقدمه أو حتى بينتقده بأسلوب كويس ان٦تم اللي تهموني".

يشار إلى أن الفنان محمد رمضان، سخر مؤخرا من اسم الفنان كزبرة، بعدما وجه إليه أحد الإعلاميين سؤالا حول خلافه معه خلال حضوره منتدى السينما والتغير المناخي، قائلا: "كزبرة مين، إحنا هنا في مكتبة مش في محل عطارة".