ياسر فرج يكشف عن سبب غيابه عن الساحة الفنية

كشف الفنان ياسر فرج من خلال منشورًا له عبر حسابه الشخصي على موقع التواصل الاجتماعي "فيسبوك" عن سبب غيابه عن الساحة الفنية.

وقال "ياسر":"لكل اللي بيسألوني سواء في الكومنتات أو في الرسايل، أنت فين؟ أختفيت ليه ؟.. عاوزينك ترجع تاني تمثل، أنا فعلًا اختفيت من فترة كبيرة نتيجة ظروف مرض ووفاة زوجتي وأم اولادي الله يرحمها، أنا نفسي ارجع تاني لشغلي ولمكاني، وبحاول أرجع تاني، لكن للاسف الرجوع مش سهل خالص".

وأختتم "ياسر"حديثه:" الدنيا مقفولة على دايره من الصعب جدًا اختراقها، وللأسف أنا متعود اني السعي في الشغل اني اختار دور كويس واجتهد فيه والتزم بمواعيد شغلي، لكن مش متعود على إني اكلم شركات الانتاج والمخرجين وأحاول أظهر في المناسبات المختلفة عشان أشتغل، لكن إن شاء الله هيجي الوقت اللي ارجع فيه، وبشكركم جدًا على سؤالكم عليا، وحبكم اللي دايمًا بيديني أمل".

الجدير بالذكر أن آخر  أعمال ياسر فرج هي مسلسل "القاتل الذي أحبني"بطولة الفنان هاني رمزي والذي تم انتاجه عام 2022، ودارت أحداثه في إطار اجتماعي لايت كوميدي، وشاركهم في البطولة محمد جمعة، سهير رمزي، أحمد فؤاد سليم، رانيا منصور، محسن منصور، ويتمتع الفنان ياسر فرج بمشوار فني طويل قدم خلاله مجموعة من الأعمال الفنية الناجحة التي ترك من خلاله أثر في أذهان وقلوب المشاهدين.