عمرو سعد يكشف كواليس انفصاله عن زوجته أكثر من مرة

كشف الفنان عمرو سعد كواليس انفصاله وعودته لزوجته شيماء أكتر من مرة علي مدي فترة ارتباطهما المستمرة منذ 18 سنة.

وقال عمرو سعد خلال لقائه مع الإعلامي أنس بوخش: " شيماء صاحبي الواد الجداع، يعني ست راجل و شديدة مش تدلعك، هي قوية وتحاول تهديك عيوبك وتنتقدك، وفي نفس الوقت تشتغل علي عيالها ونفسها وعليك بطريقة فيها جداعنة البنت المصرية اللي أبوها وأمها ربوها".

وأضاف: "أهم ميزة فيها إنها تسندك مهما كانت الخلافات والظروف، وإحنا اتطلقنا قبل كده".

وتابع عمرو سعد حديثه: "اتطلقنا مرة لمدة سنة، ومرة انفصلنا 6 شهور، وأكيد أنا عندي عيوب، وأنا شرقي وأوقات كتير كنت عنيف".

وردا على سؤال ما سبب عودته لزوجته، قال عمرو سعد: "لقينا إن إحنا لازم نبقى مع بعض، وأنا مدافع عن فكرة إن الأولاد يتربوا بين الأبوين لغاية ما يمروا من فترة المراهقة، وإلا هتبذل مجهود مضاعف، ولازم يكون الأبوين أصدقاء، وأنا وشيماء مش ممكن نبقى أصدقاء لو انفصلنا".

يذكر أن عمرو سعد يشارك في موسم رمضان 2025 من خلال مسلسل جديد يحمل اسم "سيد الناس"، من تأليف وإخراج محمد سامي وإنتاج صادق الصباح، وتشاركه البطولة النجمة إلهام شاهين، ومنة فضالي .