إسعاد يونس: اللي عدت 30 سنة مش عانس ومفيش وقت مناسب للزواج

أعلنت الفنانة والإعلامية إسعاد يونس إنه لا يوجد مايسمى بالسن المناسب للزواج.

وقالت الفنانة إسعاد يونس من خلال تصريحاتها الإذاعية: "قعدنا سنين طويلة نقول اللي عندها25سنة عانس وبعدين يعني لما اتطورنا فبقي اللي عندها 30 سنة عانس".

وأضافت: "إننا نقول على 30 سنة عانس ده عبث، الست تتجوز وقت ما هي عايزة وكذلك الرجل".

وتابعت الفنانة إسعاد يونس حديثها قائلة: "تحديد موعد الزواج يتوقف علي القدرة للرجل والمرأة في نقطة تحمل مسؤولية البيت وتربية الأطفال" .

وأشارت إسعاد : "الأزواج الحاليين أفضل من السابقين، الجيل الحالي ابتدوا يلعبوا مع العيال كان فيه وقت الرجالة بتستكبر تلعب مع العيال وبيعتبروا نفسهم باشا مينفعوش يلعبوا مع الأطفال، ولما يدخلوا البيت كلهم يخرسوا، وكأنهم بيستخسروا روحهم".

والجدير بالذكر أن آخر أعمال الفنانة إسعاد يونس مسلسل " تيتا زوزو " بطولة إسعاد يونس، إسلام إبراهيم، محمد الكيلاني، إيناس كامل، حمزة العيلي، محمود البزاوي، ندى موسي ، صلاح عبد الله، بسمة داود، عابد عناني، إخراج شيرين عادل، تأليف محمد عبد العزيز،إنتاج تامر مرسي.