شريف حلمي يكشف عن حقيقة مرضه

تداولت عدد من المواقع الأخبارية أنباء حول إصابة الفنان شريف حلمي بسرطان في المخ.

وقال شريف حلمي، في تصريح خاص لـ"وشوشة" عند سؤاله عن صحته: "أنا الحمدلله بخير، والموضوع خلص وأنا بس اللي مزعلني أن الناس لسه فاكرة إني تعبان، والموضوع كله كان اشتباه، وتشخيص طبي خاطئ".

وأضاف "شريف": "الموضوع حصل لما كنت راجع من عرض فيلم في طلعت حرب بتونس ، وهو من إخراج مجدي أحمد علي ، وكنت واخد جائزة أفضل ممثل في الفيلم المهرجان ، وحصلي شوية صداع ودخلت في دوامه وبعدين فوقت طلع وهم ورجعت بطبيعتي عادي" .

وتابع حديثه: "الناس لسه فاكرني تعبان لما بتشوفني لكن انا بخير وبلعب كورة كمان ، والموضوع كان من سبع شهور".

واختتم حديثه: "أنا معايا الدكتور أشرف زكي من بداية الموضوع لنهايته، أنا حتي لسه كنت معه ، أستاذ أشرف دايمًا معايا ، وهو النقيب وبيتهم بكل التفاصيل ، وهو حتي نصحني إزاي اخلص من الحكاية ".

الجدير بالذكر أن آخر أعمال الفنان شريف حلمي، فيلم "حدث في 2طلعت حرب " بطولة سمير صبري ، محمود قابيل، شريف حلمي، أحمد مجدي، عبير صبري،إخراج مجدي أحمد علي، تأليف هانزادة فكري، إنتاج محسن علم الدين.