سامو زين يكشف لـ "وشوشة" السر وراء نجاحه

أوضح الفنان سامو زين، سبب نجاحه، قائلاً: "تجهيز عمل إلى عمل الفنان بكل بساطة، هو أن يكون عنده فيلم كل سنة وأنه يكون لديه أغاني على مدار السنة، ومتواجد بخطة معينة بأفراح وحفلات وغيرها ويتم انتشارها في الدول العربية والأوربية، كل حاجة أنا عملتها كانت تحت التجهيز".

وأضاف سامو زين، في تصريح خاص لـ "وشوشة"، قائلاً: "كل الأدوار اللي أنا عملتها كنت سعيد بها جداً، وآخر حاجة عملتها كانت مع الفنانة دنيا سمير غانم، وجالي طبعا أدوار تانية بعديها دي كانت أخر حاجة في 2018، وكنت أنا فهمت أكتر الشخصية اللي حابب إني أقدمها".

وبسؤاله عن سبب تأخر تقديم هذه الشخصية خلال السنين الماضية، هل هو سوء حظ أم تكاسل من سامو زين، رد قائلاً: "شغلي فالغناء والأفراح مخلي معنديش وقت ودا سبب عدم ظهوري كتير اعلامياً، إن الحمدلله دايما مرتبط بالإستوديو والأفراح وانتشاري هو السبب اللي مخليني مستمر كل السنين دي".

وتابع: "ولكن لما أكون مرتبط بفيلم معين طبعاً الفيلم بيحتاج تجهيزاته وبياخد شغل كتير وبردو معنديش الخبرات الكبيرة واستنيت لحد ماجالي حاجة كويسة وكانت المسلسل عملت 10 شخصيات، ولاقيت نجاح واخدت خبرة أكتر، واتاخرت شوية وهو كسل شوية مني والتركيز على الغناء وهو يعتبر أكتر حاجة الناس بتحبها فيا".