أحمد عنان: الأهالي لازم تدعم رغبات أولادهم والبيت مش بيمشي غير بالأب والأم

تحدث الفنان الشاب أحمد عنان عن تفاصيل دور عمر الذي يجسده في أحداث مسلسل "تيتا زوزو".

وكشف أحمد عنان عن رأيه في تحكمات الأهالي في قرارات أولادهم في تصريح خاص لـ"وشوشة".

وكشف أحمد عنان عن سبب انجذابه لدور عمر موضحاً: "جذبني لشخصية عمر إن عنده هدف والطريق اللي اختار يمشي فيه طريق في مخاطرة كبيرة وشبه شباب كتير في السن ده".

كما تحدث عن تعاونه مع إسعاد يونس، قائلاً: "أستاذة إسعاد من أجمل الناس اللي ممكن  نتعامل معاهم طبعاً وكمان مع وجود أستاذتي شيرين عادل فاللوكيشن كان جميل جداً".

وتابع: "عمر هيبقى في الحلقات أصلاً اللي بتتذاع دلوقتي بدأ يبص للموضوع من وجهة نظر تانية، وبدأ يشوف إن والده 
عنده حق".

وأضاف: "نصيحتي للشباب اللي زي عمر إنه يشتغل على هدفه ويخلص تعليمه ويشتغلوا على هدفهم جداً لإن اللي عايز يشتغل بيحبها بيوصلها".

وعن رأيه في تأثير عدم استكمال التعليم على حياة الشخص، قال: "طبعاً أكيد بيأثر حتى لو مش عند كل الناس وعند ناس وناس، فهو بالتالي بيأثر".

واستكمل: "الموهبة في اعتقادي إن هي حاجة ربنا مديهالي فأنا بشتغل عليها وبطورها، إنما ربنا اداني الموهبة وقعدت كده مينفعش لازم أتطورها، أي نعم الشغل لو الشخص بيمارس الموهبة دي بيخليها تتطور طبعاً مع الخبرة وحاجات كتير ومع الوقوف قدام ناس كتير، بس أنا شايف إن الشخص يضيف حاجة من عنده وإنه يتطور ويدرس وياخد ورش وياخد الموضوع من ناحية علمية".

وعن رأيه في تحكمات الأهالي، أوضح: "تحكمات الأهالي الموضوع بيبقى صعب جداً، وأنا أعرف ناس أهاليها زي سيف فالموضوع صعب جداً، والموضوع بيبقى ناتج عن خوف بس مش في تحديد مستقبلي لإن لو معملتش الحاجة اللي بحبها هيحصلي حاجة".

وأردف: "شايف أن الأهالي لازم تدعم رغبات أولادهم في كل حاجة في الإطار المحدود طبعاً وأدام هو خلص اللي مطلوب منه يعمل اللي هو عايزه".

وتابع: "شخصية عمر نفسه عنده رسايل كتير، عمر عنده مشاكل في شخصيته لإنه مش اجتماعي اوي وبيتكسف، وهو كمان مكنش بيواجه والده اوي وكان في الأول مكنش بيواجه والده".

واختمم: "مواجهة الأم وموضوع أن الأم سدادة ده بيبقى أوحش حاجة في البيت، لإن البيت بيبقى أب وأم فإحنا بنحس إن فيه قطب من الأقطاب بيبقى مش موجود، والبيت مش بيمشي غير بالأب والأم، الإتنين ده بياخد قرارات وهي بتاخد قرارات في تعامل مع الأولاد على حسب هما بيمشوها إزاي مع بعض فالموضوع بيبقى صعب جداً فالإتنين مهمين، وبعدين عمر كان محتاج لقرار الأم وكان هو هيفرق معاه جدًا".