شادي مقار لـ"وشوشة": المنصات الرقمية جعلت الجمهور يشاهد كل شئ
تحدث المنتج شادي مقار عن عوامل نجاح العمل من فشله وعن رأيه في المنصات الرقمية.
وكشف شادي مقار في تصريح خاص لـ"وشوشة" عن كيفية التحضيرات للأعمال والتعامل بين جميع طاقم العمل.
وقال شادي مقار عن عوامل نجاح العمل: "من رأي نجاح أي عمل بيكون له مجموعة من المقاومات، طبعاً البداية الورق، وريمون مقار عمل قصة بأحداث متتابعة وليها إيقاع معين، فأنا شايف إنه أصل الحدوتة وصبة الخرسانة الأولى".
وأضاف: "نرجع بعد كده للتحضير الجيد لدراسة المواقع وإزاي يبقى في تنوع في الصورة من اللوكيشن والألوان والتابلوهات الفنية اللي بتتعمل أو الكادر اللي بيبقي فيه إحساس وفي رقي ويبقى فيه حقيقة".
وتابع: "جوانب العمل النجوم أو الممثلين تأثرهم بالحالة واندماجهم في الشخصية وآداءهم للشخصيات بطريقة احترافية".
واستكمل: "نوصل للمونتاج إزاي الفريق بيفرق للمخرج اللي هو بيشتغل، ومعروف إن العمل نجاحه عمل جماعي لازم يكون في الرغبة والإدارة وشركة إنتاج بتقدر تقود فريق العمل يعني منظومة، لأنه القيادة بتكون مهمة في أي عمل، بعدها بيجي قيادة الأفراد أو الفنانين اللي جوا العمل كل واحد بيحاول يطلع أحسن ما عنده، ونقدر نقول إن ده عمل جماعي زي الكرة مينفعش يتلعب من غير دفاع مينفعش تغلب من غير هجوم ومن غير خط وسط، وبيبقى تكامل أفراد وتغانم أفراد الفريق".
وعن رأيه في المنصات، أوضح: "دور المنصات النهاردة خلت الناس تتفرج على أي حاجة في أي وقت حسب الطلب، الواحد بيقدر لو مش مناسب ليه يتفرج على العمل ده بيتفرج على غيره، مبقاش مجبر زي زمان في البرودكاست اللي بيتذاع هو اللي بيتفرج وممكن ميحبهوش، فده طبعاً تنوع وأوقات العرض والأعمال الكبيرة والصغيرة بقى فيها تنوع".