نور محمود لـ "وشوشة": السوشيال ميديا مهمة ولازم يكون في وعي بسلبياتها
تحدث الفنان نور محمود عن تأثير السوشيال ميديا على الجيل الحالي وكيفية التعامل معها، وكشف عن رأيه في السوشيال ميديا وإيجابياتها.
وأكد نور محمود في تصريح خاص لـ "وشوشة" قائلا: "السوشيال ميديا مهمة، السوشيال ميديا منقدرش ننكر إيجابياتها بس لازم نكون واعيين جدًا لسلبياتها، ومن إيجابياتها إن الدنيا دلوقتي بقت مفتوحة جداً، إن أعرف معلومات وممكن أعمل كورسات مع جامعات برا وأنا قاعدة موجود مكاني، أعرف أي معلومة في الدنيا أنا ممكن أوصلها".
وتابع: "وممكن تستخدم بشكل ممكن يعطلني ويشدني بعيد عن تركيزي وتفكيري والاعتماد على التافهات اللي موجودة، إن أنا أفرح باللايكات والكومنتات والحاجات اللي الناس ماشية بيها".
واستكمل: "فلازم يكون في وعي، لازم نستخدم السوشيال ميديا وفي نفس الوقت نعرف نستخدمها إزاي، وده بردو مع دور الأب والأم مش المنع لازم يكون في إننا نوريهم اللي عملوا إيجابيات حاجات حلوة على السوشيال ميديا يشوفوا عملوا ايه وهما موجودين على السوشيال ميديا".
واختتم: "ويبصوا للناس اللي هما راحوا في سكة تانية شكلهم إزاي لازم نوريهم ده وده، ومع التربية اللي موجودة الشخص هو اللي بيختار إنه يروح ناحية الصح".