أحمد سعد: هعمل فرح أنا وطليقتي وهنعزم عيالنا فيه عشان يحضروه
تصدر المطرب أحمد سعد تريند منصات التواصل الاجتماعي، بعد إعلانه لجمهوره في حفله بالساحل الشمالي منذ أيام عن بخبر خطوبته وعودته لزوجته السابقة وأم بناته علياء البسيوني بعد الانفصال لمدة عام.
سعد عاد للحديث عن الأمر خلال تصريحات تلفزيونية وقال: اللي حصل بصراحة، إني عايز أقول خبر حلو عني، لأن أخر فترة كانت أغلب الأخبار سلبية، وكأن حياة الفنانين مشوهة، وقررت أنا وعليا الابتعاد عن كل المؤثرين علينا.
واستكمل: وننسى كل شئ سئ أيًا منّا قاله للآخر في لحظة زعل، ويعطي لكل منّا فرصة للأخر أن ينظر له بعين اهتمام من أجل الأطفال، وكريستيانو رونالدو مش أحسن منيّ، وإحنا حاليًا مش عايشين مع بعض.
وأضاف: إحنا هنتجوز بس هنعمل فرح كبير ونعزم فيه ولادنا عشان يحضروا فرح أبوهم وأمهم وهتبقى مناسبة جميلة إن الولاد يتبسطوا معانا، وهعمل فرح كامل إن شاء الله ولادي يكونوا لابسين نفس فستان والدتهم، وأنا ابني يلبس زيّي، يعني الولاد يحضروا الفرح.