عمرو مصطفى يحدد أصدقائه وزملائه.. تعرف عليهم
أعلن الملحن عمرو مصطفى عن تلقيه مكالمة هاتفية مهمة بينه وصديقه الملحن والمطرب مدين، وأكد خلال منشور له عبر فيسبوك على مدى احترامه الشديد له ولما يقدمه.
وكتب عمرو مصطفى: النهاردة حصلت مكالمة مهمة جداً بيني وبين صديقي العزيز مدين ووضحنا فيها كل شيء.. حابب أقول قد إيه أنا بحترم هذا الشخص وبقدّر إبداعه.
وأضاف: مدين من أكتر الناس المحترمة في الوسط الفني، وموهبته وإبداعه في كل عمل بيقدمه بتثبت ده. أنا بحب شغله جداً وفخور بصداقتنا وبكل اللي بيقدمه.
واختتم: وايضاً اكن كل الاحترام الي رفيق العمر محمد رحيم ووليد سعد ومحمد يحيي وتامر علي.
وكانت حالة من الجدل قد سيطرت على السوشيال ميديا بعدما حل الملحن عمرو مصطفى، ضيفًا في ندوة فنّية بموقع "وشوشة"، بحضور رئيس التحرير الكاتب الصحفى عمرو صحصاح.
وقال عمرو مصطفى خلال ندوته في "وشوشة": "بيطلعوا يقولوا في الإعلام عمرو مصطفى وزملاءه أنا مليش زمايل أنتوا مش زمايلي وأنا مبعملش صداقات في الوسط الفني.
وتابع عمرو مصطفى: أنتوا مش زمايلي وأنا معرفكوش أصلًا، أنا بلحن عشان نفسي وعشان جمهوري وللشعب المصري واللي بيشتغل معايا فقط عشان ينجح معايا، بطلوا تتمحكوا فيا، أنت مين يا ابني أنت حشرة.