محمد العدل: النجوم زمان كان بيهمهم البلد إنما بتوع دلوقت مفكرين إنهم صنعوا نفسهم والجمهور لا

اجتمع عدد كبير من صناع الفن اليوم الجمعة، خلال جلسة حوارية في مهرجان الغردقة لسينما الشباب، ومنهم المنتج محمد العدل والمخرجة ساندرا نشأت وغيرهم.

وقال محمد العدل: في جيل زمان من الفنانين كانوا بيفكروا في البلد، وعايزين يقدموا مواضيع تهم البلد والناس، وعارف إن الجمهور هو اللي صنعه، عكس النجوم في الفترة الحالية اللي شايفين إن هما اللي صنعوا نفسهم والجمهور كده كده جاي وراهم.

وأضاف: لا أنسى في يوم من الأيام فنان قالي أنا اللي عملتك نجم، الفكرة كلها اختلاف معايير وفهم ونقدر نتكلم على هذا الأساس، وأنا موجوع أوي.

ومن جانبها، أوضحت المخرجة ساندرا نشأت: المنتج بقى ينفذ للنجم كل طلباته، والممثل همه الأول هياخد كام، ودا حقه، بس يبقى في الدرجة الثانية، يعني يبقى همه الأول الموضوع إيه، ثم يسأل هاخد كام، لكن المنتجين شجعوا الممثلين، المفروض المنتج يدور على إن الموضوع يبقى هو النجم.

وكانت آخر أعمال ساندرا نشأت، فيلم المصلحة، الذي عرض في 2012، من بطولة أحمد السقا وأحمد عز، وتأليف وائل عبدالله، وشارك في العمل كل من زينة، حنان ترك، صلاح عبدالله، نهال عنبر، كندة علوش، محمد فراج، أحمد صلاح السعدني، منذر رياحنة، حسام الحسيني وآخرين وحقق العمل نجاحًا كبيرًا وقت عرضه.