زوجة عصام صاصا تحتفل بعيد زواجهما بعد حبسه: وعدني كل سنة نعمل فرح لكن الدنيا استكترته عليا وكله راح

وجهت زوجة المطرب عصام صاصا، رسالة له مؤثرة من القلب في عيد زواجهما، وذلك بعد الحكم بحبسه 6 أشهر، في اتهامه بالقيادة تحت تأثير المواد المخدرة، وحبسه سنة في قضية اتهامه بالتزوير في محرر رسمي.

وكتبت عبر إنستجرام: "كل سنة بنزل ستيشن لعبد جوانا جديد عشان هو وعدني ان كل سنة هنعمل فرح عشان كان أحلى يوم في حياتنا كان يوم فرحتنا وكنا مبسوطين أوووي من أول يوم عرفتك في اتوعدنا إن إحنا هنفضل مع بعض وجبني بعض وهنفضل سند لي بعض لو أي حصل مَحَدِش قدر يفرق بينا.
 

وأضافت: اتفقنا إنه محدش يوقع بينا ومشينا بكل حاجة وبدينا حياتنا من الأول خطوة خطوة وكل حاجة كنا بنحققها من أحلامنا كانت بتدافع بيها لينا نكمل لحد ما الدنيا استكترت علينا الفرحة والحال اتبدل وكل حاجة راحت بيه طظ في أي حاجة كل إلي راح إحنا إلي عملنا وهتعملو هاتلي بس إلي بيتمتعو هو إنو مش موجود جنبي دلوقتي أنا بعافر في الدنيا لحد ما برجع بسلامة.

وتابعت: هنزل البوست وليسبيو وبردو كل حاجة عشانو بيخرج يعرف إنو كان موجود في كل لحظة وفي كل ثانية في حياتي وهو ده وهيفضل كده حتي وهو مش موجود هيفضل رقم واحد في حياتي.. بحبك يا أغلى نفسي وكل سنة واحنا سند لي بعض ونفضل كده طول العمر".

وسبق وعلقت زوجة مطرب المهرجانات عصام صاصا، على تداول أنباء تفيد بطلبها خلوة شرعية بزوجها بعد حبسه، في أكثر من قضية.

وأكدت زوجة عصام صاصا في فيديو عبر حسابها بموقع إنستجرام، أن كل هذه الأخبار كاذبة، وأن كل ما في الأمر أنها طلبت تصريح زيارة لزيارته.
 

وقالت زوجة عصام صاصا: مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب؟.

وأضافت زوجة عصام صاصا: دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟.

وتابعت زوجة عصام صاصا: أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته.

واختتمت: أنا أخدت إجراء ضد أكتر من أكونت بيسوأ في سمعتي وبيشهر بيا، وده حقي ومش مسموح حد يسيئ ليا ولجوزي، ومش هسمح حد يتكلم عليه ومش هسمح حد يغلط فيا أو يسوأ سمعتي.