مستهتر والموضوع بالنسبالك عادى.. مروة صبري تهاجم اللاعب أحمد فتوح بعد حادث الدهس
هاجمت الإعلامية مروة صبرى اللاعب أحمد فتوح الذي تسبب في دهس مواطن بسيارته منذ أيام وذلك من خلال تصريحات تليفزيونية في برنامجها "قعدة ستات".
قالت مروة صبرى :' أنت بتضر نفسك وبتضر صحتك وبتضر مستقبلك ماشى، لكن أنت أذيت اللي حواليك أولا أذيت أهلك وأهالي الناس اللي أنت قتلت عيالهم وموتهم، أنت ماشي بتضر في الناس وأنت عارف إنك شارب مخدرات وده الغريب.
تابعت صبرى قائلة:"إذن لا عارف أبعاد الطريق ولا أبعاد عربيتك، ولا شايف اللي قدامك وعارف أن ردود أفعالك هتكون متأخرة فى إنك تاخد قرار تستنى هنا أو تفرمل هنا أو كذا.
ختمت صبرى حديثها قائلة :"أنت ولا شايف الموضوع وبتتعامل باستهتار شديد وعادي ومش مهم حياة الناس خليني أقولكم إنه في الدول الأوربية مسموح بالشرب وده مباح عادي، لكن لو اتحللهم وهما راكبين عربياتهم هيتسجنو ع طول أنت بتأذى ناس".