"اسألوا مجرب".. محمد حفظي يوجه رسالة لصناع فيلم "الملحد" بعد منع عرضه
وجه المنتج محمد حفظي رسالة خاصة لصناع فيلم "الملحد" بعد توقف طرحه في دور العرض من خلال منشور عبر حسابه الشخصي على موقع " فيسبوك".
كتب محمد حفظي: "عندي يقين بان فيلم الملحد سيعرض قريبا، و يمكن الدعاية اللي حصلت بسبب تأجيل العرض تعوض منتج الفيلم عن فلوس الدعاية اللي صرفها، كل تأخيرة و فيها خيرة، اسألوا واحد مجرب".
,كشف المخرج ماندو العدل مخرج فيلم " الملحد" عن الأسباب الحقيقية لعدم عرضه، من خلال حسابه الشخصي على موقع فيسبوك.
وكتب معلقا: “نعتذر لكل اصدقائي اللي عزمتهم علي العرض الخاص لفيلم الملحد، العرض مش هيتعمل في ميعاده، والفيلم مش هينزل في ميعاده، والحقيقة معرفش ليه، الاجابة عند السيد الرقيب علي المصنفات الفنية”.
أضاف: "الفيلم جاهز للعرض وانتهت جميع مراحله من مونتاج ومكساج وتصحيح ألوان و الرقابه اديتله ترخيص بالعرض بعد شهور من المشاهدات، بل وصل الأمر إني نزلت صورت مشهد مضاف والمنتج احمد السبكي صرف كتير علي دعاية الفيلم في الشوارع بناءا علي هذا الترخيص، رجع شال الدعاية تاني للاسف".
وتابع قائلا: “ دي خسارة فادحة وده ينفي تماما الهراء بتاع اصل الصناع بيعملوا دعاية رخيصة للفيلم، و مرفق مع البوست صورة الترخيص و صورة اجازة الرقابه للسيناريو ، اللي لأول مرة الرقابه تكتب في الورقة الاخيرة للسيناريو ما يشبه الشكر و التوضيح، و ده نص ما كتب علي الورقة الاخيرة ( الفيلم لا يشوه الدين الإسلامي قط بل يكشف الحجاب عن بعض الذين يفسرون الاسلام علي اهوائهم ) ، الفكرة هتوصل هتوصل بإذن الله عاجلا أو أجلا”.
