ابن بلد ومبيأذيش حد.. حمو بيكا يوجه رسالة دعم لـ عصام صاصا
وجه مطرب المهرجانات حمو بيكا رسالة دعم للمطرب عصام صاصا بعد نشره لمقطع فيديو أمس من خلال حسابه الشخصي على موقع" فيسبوك " يطالب فيها الجمهور بالدعاء له.
كتب حمو بيكا في تعليق على الفيديو :' ربنا معاك يا صحبي ويفك كربك انت من اجدع الشخصيات الي عرفتها وحد جدع وابن بلد ومبتأزيش حد ف اكيد ربنا مبيعملش حاجه وحشه وربنا هيقف جنبك وكلنا في ظهرك وجنبك احبيبي ومتقلقش ربنا كبير.
وكان قد طالب مطرب المهرجانات عصام صاصا جمهوره، بالدعاء له قبل ترحيله من دبي إلي مصر للقبض عليه بسبب حادث الدهس، من خلال مقطع فيديو عبر حسابه الشخصي على موقع "إنستجرام ".
قال عصام صاصا :'كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين.
أضاف عصام صاصا: ربنا يعلم أنا كنت حاسس بأيه وقتها، والناس قالت عليه أني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني.
وختم حديثه:' أنا لبست قواضي وحوارات وأنا أغلب من أني أعمل أي حاجة في الدنيا، أنا محتاج دعمكم جدا وتدعو لي وتقفوا معي ولو كنت سبب في يوم من الأيام أني أفرح أي حد أنه يدعيلي، وأنا راضي بقضاء ربنا وواثق في القضاء المصري وأنه مش هيظلم حد ولا هيجي على حد، وأنا أقل خلق الله وعمري ماهدوس على الناس بفلوسي ولا حيلتي الفلوس اللي تخليني أعمل كده.
