"أصعب أيام حياتي".. كزبرة يستعيد ذكرياته مع الثانوية العامة

استعاد الفنان أحمد بحر الشهير بكزبرة ذكرياته مع مجموع الثانوية العامة من خلال " ستوري" عبر حسابه الشخصي على موقع "إنستجرام ".

قال كزبرة: ' النهاردة يوم بيفكرني بأصعب أيام حياتي، زي النهارده أنا كنت جايب ٦٧ في المئه في الثانوية العامة وساعتها المجموع ده مكنش أحسن حاجة، وقولت الحمد لله وساعتها قولت هفضل مركز في الحاجة اللي بحبها، ومحدش كان مصدقني وأقرب الناس ليا ودعيت ربنا أنه يكرمني وميأستش".

وتابع: ' الحمد لله وصلت لأول سلمة من حلمي النادي بعد مرمطة سنين وانتقادات توصل الواحد أنه ينتحر، فأنا حابب أقولكم أكيد الدنيا حلوة وربنا أكيد له حكمة في اللي بتحصل وبيدي كل واحد على قد تعبه فمحدش ييأس والدنيا موقفتش".

وختتم حديثه، قائلا: ' تقدر تثبت لنفسك ولكل اللي حواليك أنك تقدر تنجح، وربنا يكرم الجميع وبالنسبة للناس اللي جابت المجموع اللي نفسها فيه مبروك وربنا يكتب للجميع الخير والنجاح الدايم".