سميرة عبد العزيز تكشف اللحظات الأخيرة في حياة أحمد زكي
الأربعاء 24/مايو/2023 - 09:21 م
سميرة عبد العزيز
أميرة عبدالهادى
كشفت الفنانة سميرة عبد العزيز، عن اللحظات الأخيرة في حياة الفنان الراحل أحمد زكي، لافتة: "كان مريض في المستشفى اللي جنبنا في الشيخ زايد وكان بيجي بلبس المستشفى لحد عندنا البيت ويجي ماشي علشان يشوف محفوظ عبد الرحمن عمل إيه وبيلح عليه علشان يعمل فيلم حليم".
وأضافت خلال لقائها ببرنامج "الستات" الذي تقدمه مفيدة شيحة وسهير جودة بقناة "النهار": "أحمد زكي كان بيقدس شغله، وكان هيتجنن على دور فيلم حليم".
ولفتت: "أحمد زكي خسر وزن ومكنش بياكل علشان دور فيلم حليم، في وقت كان بيتعالج في المستشفى، ومحفوظ عبد الرحمن أشفق عليه من رغبته الشديد وقال له والله هاعمله علشانك، بس وقت الفيلم كان بيعاني ويجيله غيبوبة في المستشفى".
وأكملت:"أحمد زكي كان دايما معانا ولما توفى، محفوظ عبد الرحمن اتألم جدا وقال مصر خسرت ممثل عبقري لإنه كان عرقريا في تقمص الشخصيات".
