خالد الصاوى لـ"وشوشة": ممكن اشتغل تانى مع تامر حسني لو اعتذر

رد الفنان خالد الصاوي على رسالة تامر حسني له الذي نشرها عبر الاستورى الخاص بإستجرام.

وقال خالد الصاوى في تصريح خاص لـ"وشوشة"،:"لم أشاهد رسالة تامر حسني. كنت أشاهد المباراة ونمت مبكراً لأنه كان علي أن أبدأ التصوير أول يوم من فيلم المصيف، مشيراً إلى أنه من الممكن العمل معه مرة أخرى إذا اعتذر".

وكان خالد الصاوي تحدث في لقائه مع برنامج «Mirror» الذي يقدمه الكاتب الصحفي خالد فرج عن الفنان تامر حسني: مش واخد على خاطري من أي ممثل أو من أي نجم وعلاقتنا على قد الأفعال وردود الأفعال وخلاص، وهذا الكلام بالنسبة لتامر حسني توقعت أن صداقتنا هتكون أكبر من كده ولكن علاقتنا هتبقى محددة، إحنا صحاب أوي في الشغل وبره الشغل براءة.
ورد الفنان تامر حسني على تصريحات خالد الصاوي، عبر استوري له بحسابه الشخصي بـ انستجرام جاء فيه: يا عم خالد أنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج، وياريتك قولتلي إنك زعلان على تليفوني من سنتين كنت جيت لحد عندك صالحتك والله.

وأضاف تامر حسني: معرفش أنك زعلان بالمناسبة أنا اللي زعلان عشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة.