الرئيس السيسي: كل تقديري للمواطن الغلبان في الظروف الحالية‎

قال الرئيس عبد الفتاح السيسي، الدول مش بتمشي بالخواطر، الدول بتمشي بسياسات و قوانين وعمل إذا الأزمة اللي احنا فيها حلولها بتعتمد علينا.

وأوضح من خلال كلمته باحتفالية عيد الشرطة الـ 72، المذاع على قناة "اكسترا نيوز" اليوم الأربعاء ،أن مصر أصبح عدد سكانها الآن 106 مليون نسمة ومطلوب توفير جميع الحاجات لها، مضيفا: بقول الكلام ده عشان أسجل احترامي للمصريين وتقديري لهم وتقديري للمواطن الغلبان والبسيط في الظروف اللي احنا فيها قبل أي شخص تاني وأنا بقابل الناس البسيطة دول حد جيه قاللي ربنا يعينك ومعانا مصر مش أمانة في رقبتي و رقبة الحكومة بس لكنها أمانة في رقبتكوا كلكم يا مصريين الصغير قبل الكبير.

وأضاف: كل حاجة تهون إلا بلدنا احنا بناكل وبنشرب وكل حاجة ماشية حتى لو غالية ربنا مدينا مثال حي لناس مش عارفين نوفر لها أكل وأساسيات و أن حجم الناقلات التي كانت تدخل غزة كانت 600 شاحنة يوميا؛ قائلا: موصلناش في أعلى تقدير إلا من يومين تلاته مش أكتر من 220 شاحنة الناس دي عايشة ازاي اتقال كلام كتير إن مصر هي السبب لكن أنا هروح من ربنا فين لو أنا السبب أني مدخلش لقمة عيش لأهل غزة.