أسامة منير: الخيانة مش غلطة.. بل اختيار متعمد!
أثار الإعلامي أسامة منير جدلاً واسعًا بتصريحاته الأخيرة حول مفهوم الخيانة، مؤكدًا أنها ليست مجرد "غلطة" أو "نزوة"، كما يعتقد البعض، بل قرار يتخذه الشخص بكامل وعيه وإرادته.
وقال أسامة منير خلال فيديو قام بنشرة على صفحته الشخصية على إنستجرام: "أنا عندي سؤال مهم، الخيانة خطأ ولا اختيار؟ في ناس تقولك دي غلطة أو نزوة، لكن أنا شايف إن الخيانة اختيار. البني آدم اللي بيخون، بيكون عارف هو بيعمل إيه، وبيختار الطريق ده بإرادته".
وأضاف: "الحكاية مش لحظة ضعف ولا سقطة، دي مش واقعة عابرة، اللي بيخون اختار بإيده يمشي في السكة دي، وده معناه إنه عارف هو رايح فين، وده أخطر ما في الموضوع".
ويقدم أسامة منير برنامج "أنا والنجوم وهواك" على إذاعة نجوم إف إم وهو بيناقش كل القضايا والموضوعات العاطفية بشكل واقعي من خلال مشاركة مستمعينا على الهواء وبيتعرض من خلاله المشاكل العاطفية للشباب.
ويعتبر "أنا والنجوم وهواك" واحد من أقدم البرامج على نجوم إف إم "أنا والنجوم وهواك"، ويذاع الأحد والثلاثاء من كل أسبوع الساعة 12 صباحاً.