ريهام سعيد: حادث النمر بالسيرك مجرد "تريند عابر".. ومحدش حل المشكلة!
تحدثت الإعلامية ريهام سعيد، عن حادث النمر الذي هاجم أحد عمال السيرك مؤخرًا، مشيرة إلى أن الحادثة أثارت ضجة كبيرة على مواقع التواصل لبضعة أيام، ثم اختفت دون معالجة حقيقية للمشكلة.
وقالت ريهام ،خلال حديثها في برنامج "صبايا الخير" المذاع على قناة النهار: "موضوعنا النهارده يمكن مش مناسب قوي لأجواء شم النسيم، بس ليه علاقة بالخروج والفسح، وإحنا بنختار أماكن نخرج فيها الولاد يفرحوا ويلعبوا، ومن الحاجات دي اللي كانت بتفرحنا وإحنا صغيرين هي زيارة السيرك، وده كان يوم مبهج جدًا بالنسبالنا".
وتابعت: "اللي حصل مؤخرًا من هجوم نمر على أحد عمال السيرك كان مرعب، وكل الدنيا اتكلمت عنه، واتحول لتريند في كل المواقع لمدة تلات أربع أيام، وبعد كده اتنسى، لكن هل حد وقف وفكر؟ هل اتحلّت المشكلة؟ هل فهمنا السبب؟ لا".
واختتمت حديثها قائلة: "المشكلة إن الحاجات دي ممكن تتكرر تاني وتالت، وإحنا مش بنتعلم من اللي بيحصل".