عمرو سلامة يفجر مفاجآت عن التحضير لمسلسل "برستيج"

كشف المخرج عمرو سلامة كواليس جديدة من مسلسل "برستيج"، مشيدًا بدور نجوم العمل في تطوير المشاهد وطرح أفكار مبتكرة ساهمت في نجاح العمل.

وقال عمرو سلامة، خلال حواره مع ETبالعربي: "كنت بدي مساحة كبيرة لنجوم المسلسل يطرحوا أفكارهم، وكنت بشجعهم يقولوا اللي في دماغهم، حوالي 70٪ من الاقتراحات اللي كان بيقولها محمد عبد الرحمن (توتا) أو مصطفى غريب تم دمجها في السيناريو، وفعلاً لما وصلت للمونتاج، 90٪ من الكلام اللي اقترحوه فضل في المسلسل".
 

وتابع: "كنت دايمًا بقولهم لو عندكم كلام جديد قولوه، وأنا في المونتاج هقرر، بس في الآخر، لقيت إن إضافاتهم فعلاً خدمت المشاهد وكانت حقيقية وطبيعية".

وعن اختياره لوجوه جديدة في المسلسل، أوضح: "فيه أدوار بيكون حجمها معين، وناس كتير من اللي معروفين بيرفضوا يعملوها، أو مش شايف فيهم الشخصية فبدأنا نفكر بشكل أوسع، ونفتح دماغنا ونشوف أسماء من مجالات تانية، حتى لو ممثلوش قبل كده، المهم نلاقي الروح اللي تنفع للدور".