هكذا علقت سلاف فواخرجي على شائعة زواجها من بشار الأسد

علقت الفنانة سلاف فواخرجي على إشاعة زواجها من الرئيس السوري بشار الأسد من خلال منشورا عبر حسابها الشخصي على موقع "فيسبوك ".

كتبت سلاف فواخرجي: "لا تواخذونا عملناها عالضيق ماعزمنا حدا، هههههههههههه، قسما بالله شي بيضحك أنا عادة جديّة على فكرة بس والله ماقدرت هل تستطيعون أن تكونوا نبلاء لمرة واحدة على الأقل؟ هل تستطيعون أن تناقشوا أفكار دون الطعن بالشرف الذي لا يتوقف عنده إلا كل من لديه عقدة فيه؟".

أضافت: "هل تستطيعون أن تخرجوا عقولكم خارج غرف النوم؟، وتعبتوا واجتهدتوا كملوا للأخر لسا بدكن فت خبز منيح  يللا معلش مرة بعد مرة وثيقة بعد وثيقة بتنجحوا، المرة الماضية غلطتوا بإحدى وثائق الزواج اللي شفناها بخانة الطائفة ونحنا بسوريا ماكان عنا خانة الطائفة، مابعرف هلأ إذا صارت، واضحكوا عليكم الناس بس معلش تعلمتوا واليوم تلت غلطات بحالهم، مع إنو القصة مو صعبة إنكم تطالعوا بيان قيد عادي جدا وسهل".

تابعت قائلة: "ولادتي بالأوراق الرسمية بعد تلت أيام من ولادتي يعني 1.8.1977 يوم عيد الجيش السوري واللبناني وبابا الله يرحمه اسمه، محمد ومو محمد سليم وخانتي بمشروع صليبة والخانة 65 وبشوف حالي فيها وكل الحب لأهلنا بالسكنتوري، أنا من كل اللادقية ومن كل سوريا مشان إذا بدكن تعدلوا يا نوابغ ياجهابذة لأنو يعتبر العقد باطل هيك والعياذ بالله، غير هيك والأهم وين ورقة الطلاق، هي البيانات صارت عندكم يللي بتخافوا الله، أنا لم أطلق ولن أطلق إذا ربنا أراد والله يحميلي زوجي وعيلتي ويحمي كل الناس".

واختتمت: “عيب وتفه وبس ديروا بالكم عالبلد والناس هنن أحق بالاهتمام مني ولا  شو؟”.