ردًا على انتقادات "سيد الناس".. عمرو سعد: السوشيال ميديا تحولت إلى معارك!
تحدث الفنان عمرو سعد عن الجدل الذي أثير مؤخرًا حول مسلسل "سيد الناس"، مؤكدًا أن الانتقادات التي طالت طريقة إلقائه أو نبرة صوته كانت في البداية مزعجة.
لكن مع الوقت اتضح له أن الأمور ليست كما صوّرتها بعض التعليقات على مواقع التواصل الاجتماعي.
وقال عمرو سعد، خلال حديثه في برنامج "يحدث في مصر" المذاع على قناة mbc مصر: "في البداية، اتضايقنا شوية من ردود فعل الناس اللي بتقول إننا بنزعق وكده، لكن بعدين فهمنا إن الموضوع مش كله حقيقي، وده بيرجعنا لعالم السوشيال ميديا، لأن فيه إنفلونسرز بيتكلموا بحرية: هل هنتكلم ولا لأ؟".
وأضاف: "الشركات النهاردة بقت مضطرة يكون عندها سوشيال ميديا للترويج، لكن للأسف الموضوع تخطى حدود الترويج وبقى فيه معارك وضرب في شغل تاني. وطبعًا مش كل الناس بتعمل كده، لكن ده بيحصل".
وأكد عمرو سعد: "كنت فاكر إن ده خيال علمي، لكن شوفته بيحصل قدامي بوضوح، وأنا مش بقول أي كلام يعني كمان، إحنا شغالين مع مهندس صوت محترف، وفي حاجات مينفعش نخرج عنها، ولو فيه حاجة غلط بيقولنا استوب فورًا، الناس مش واخدة بالها إن دي صناعة كاملة فيها أدواتها، ومفيش حاجة بتحصل بالصدفة أو بشكل خاطئ".