نجل شقيق العندليب يسرد لـ"وشوشة" كواليس تقديمه برنامج "حليم.. السرّ"

طرح محمد شبانة، نجل شقيق العندليب الأسمر عبد الحليم حافظ، برومو تشويقي لبرنامج "حليم.. السر.." على موقع الفيديوهات الشهير "يوتيوب".

وتواصل "وشوشة" مع شبانة لمعرفة سر تقديمه لهذا البرنامج، وقال: "مع تفكير كتير جدا قررت أعمله على أساس أحط كل المخزون اللي عندي ومذكرات والدي، ووالدتي، وعمي، وحكاويهم ومواقفهم وكل تاريخ عمو حليم اللي انا حافظه عن طريقهم، واللي أنا شوفته في حياتي معاهم في برنامج يوثق كل شيء".

وأضاف: أنا قررت أعمله علشان نسيبه للأجيال الجاية، لأن أولادي ميعرفوش طبعًا الحاجات اللي أنا أعرفها دي ولا ناس كتير تعرفها.

وتابع: "والدي كان مدير أعمال حليم وسافر معاه في كل حتة وطفولتهم كانوا أقرب اتنين لبعض تقريبا، المخزون دة كله لازم يطلع للناس وتتعرف الحقايق وتتكدب الإشاعات وكل شيء يتاخد من المصدر.

واختتم حديثه قائلًا: "الأمور فيها مصداقية وثقة مفيهاش أي تلفيق وخلال أيام قليلة إن شاء الله هتكون الحلقة الأولى ونكمل على كل خير".