عمر كمال: عايز شيخ من الأزهر يرد عليا وهبطل أعمل خير تاني

رد مغني المهرجانات عمر كمال على كل من يهاجمه وينتقده بما يخص حرمانية الغناء واتهامه بأن أمواله حرام و أن الله لن يستجيب منه أعمال الخير الذي يفعلها قائلاً: "أنا تعبت من الناس نفسياً جداً ومحتاج شيخ من الأزهر يرد عليا، أنا بروح الأفراح وأعياد الميلاد وحفلات التخرج علشان أفرح الناس".

وتابع خلال مقطع الفيديو الذي نشره عبر حسابه على موقع التواصل الاجتماعي “فيسبوك” قائلا: "دايما بعمل خير كتير و بساعد كل من يحتاجني سواء عملية جراحية أو مساهمة في دفع الإيجار أو علاج وبعمل اللي بقدر عليه".

وأضاف عمر كمال: “شايل مسئولية فرقتي وعيلتي كلها والناس بتقول إن ربنا مش هيتقبل مني الخير اللي بعمله، أنا عايز شيخ من الأزهر يرد عليا و يقولي إذا كنت غلطان ولا صح، لو غلط هبطل أعمل خير تاني”.

وأردف عمر كمال ردّا إلى كل منتقديه معلقاً: "أنا بساعد الناس وبعملهم عمليات وبشتريلهم علاج أنت عملتهم إيه؟".

وطالب عمر كمال شيخ من الأزهر الشريف بالرد عليه قائلاً: "محتاج رد ضروري من الازهر مين فينا اللي صح مَن ينقدوني ولا أنا  لو أنا اللي غلط هبطل أعمل خير تاني".