أحمد سلامة لـ"وشوشة": 6 أكتوبر عرفتنا معادن الناس فهي عبور من اليأس للانتصار
عبر الفنان القدير أحمد سلامة عن حرب 6 أكتوبر واصفا إياها بأنه انتصار عظيم وعبور من اليأس للانتصار.
وقال "سلامة" في تصريح خاص لـ "وشوشة": "حرب عرفتنا معادن الشعب المصري واللي كانت عندها سلسلة دهب كانت بتروح تتبرع بيها للمجهود الحربي، ويوم 6 أكتوبر متسجلتش حادثة سرقة واحدة في مصر ده يبين معدن المواطن المصري، وكلنا جوانا فخر كبير ب 6 أكتوبر".
وأضاف: "أنا كنت في الجيش قعدت سنة و3 شهور وليا قرايب وأهل في الجيش والجيش المصري هو الشعب المصري والشعب المصري هو الجيش".
ووجه في نهاية حديثه رسالة للجيش المصري قائلا: "من غير الجيش المصري مفيش مصر، البلد اللي مش قوية ومش قادرة تدافع عن نفسها في الظروف اللي في العالم كله، هى مش موجودة أصلا، والجيش المصري هو مصر، الجيش المصري مش بينفصل عن مصر".