محمود سعد يتحدث لأول مرة عن حقيقة اعتدائه بالضرب على نانسي عجرم
نشر الإعلامي محمود سعد فيديو على حسابه الرسمي على موقع تبادل الصور والفيديوهات "إستجرام" يكشف فيه عن حقيقة اعتدائه بالضرب علي المطربة اللبنانية نانسي عجرم.
وقال الإعلامي محمود سعد خلال الفيديو: "في قصة كده مش عارف مين اللي عملها في العادي الإشاعة بتبدأ تكبر تكبر تكبر وبعد شويه تلاقيها بدأت تصغر وانسحبت ومشيت خلاص وإنما إيه الإشاعة اللي بدأت صغيرة وبدأت تكبر تكبر مبتصغرش وكل شوية تزيد متعلقة بالمطربة نانسي عجرم".
وتابع حديثه قائلا: “كل ما أروح مكان بيقولي هو انت صحيح ضربت نانسي عجرم أقولهم أنا أضرب نانسي عجرم، هو في حد يقدر يبصلها بصة وحشة طب إزاي يقولولي أيوه مهي طلعت قالت كلام مش كويس في الدين يعني وانت سمعت الكلام ده فقومت ضربها بالكوباية وقولتلها امشي إطلعي بره".
وأضاف: "طلعوني بطل في الرواية دي إن هي آساءت في جملة للدين فضربتها وأنا ساعتها اصلا مكنتش شوفت نانسي عجرم فكان الحل إني أستضيفها في البرنامج.
واستكمل: "وبالفعل جت البرنامج وصورنا الحلقة ونزلت الموضوع يسكت لا ده عمال يزيد أكتر أروح أصور في الصعيد ألاقي حد بيقولي هو انت صحيح ضربت نانسي عجرم.
وتابع: "ثم اكتشف إن اللي بيوزع المياه الغازية والسجاير في الارياف بيدخل يحكي الحكاية ويمشي فكل ما يروح إسكندرية طنطا في بورسعيد في أي حتة يروحها يسألوه إيه حكاية ضرب نانسي عجرم وهو مش عارفني أصلا بس سمع الحكاية وفضل مستمر الموضوع ده حتي بعد البرنامج ما خلص يمكن لحد دلوقتي".