ياسمين عز: الخطوبة لازم تتلغي ما تتجوزوا على طول لية الفشخرة؟

أعربت الإعلامية ياسمين عز عن رأيها حول فترة الخطوبة قبل الزواج، حيث قالت إن احتفالات الخطوبة تتسبب في تكاليف كبيرة دون فائدة، ونصحت الفتيات بشراء كريستال عصفور كبديل عن الذهب في الشبكة.

وفي برنامجها "كلام الناس" الذي يعرض على قناة MBC مصر، قالت ياسمين: "الخطوبة المفروض تتلغي ونبدأ مباشرة بكتب الكتاب، الخطوبة مالهاش أي فائدة، ليه التفاخر بالذهب؟ بدل ما تجيبوا ذهب، جيبوا خاتم كريستال عصفور، ومحدش هيلاحظ الفرق."

وأضافت ياسمين: "اللي هيقولي أنتي لابسة ألماس، أنا جايباه لنفسي. نشتري حاجة معقولة، واللي يقدر يجيب يجيب، لكن الأغلبية في ظروف متوسطة والذهب غالي، والخطوبة مش جواز، فيه فرق."

كما تساءلت ياسمين: "من إمتى بنلبس فساتين بيضاء في الأفراح؟، مفيش حد يلبس فستان أبيض غير العروسة، إلا لو كنتي بتكرهيها وعايزة تضايقيها. اللي بيلبسوا أبيض بيكونوا أخوات العريس، ودائمًا بيكونوا محيطين به وبيستفزوا العروسة. ركزي في نفسك وما تحطيش مرات أخوكي في بالك من البداية، دي أشياء بديهية."

واختتمت حديثها: "في واحدة قالت لمرات أخوها: ما تتهزريش معاه قدامي علشان بزعل. بدل ما تزعلي، لو عندك وقت روحي اتجوزي! ما تعيشي في حالة فراغ وتعيشي في حزن، أو على الأقل رتبي هدومك في الدولاب."