إيناس الدغيدي: لو قعدت أفكر في الحرام مش هعمل حاجة في حياتي
أثارت المخرجة إيناس الدغيدي حالة من الجدل بتصريحاتها بعد حلولها ضيفة على برنامج القرار المذاع على قناة الغد، وتحدثت بجرأة مؤكدة أنها عاشت المساكنة مع زوجها قبل الزواج.
وقالت إيناس الدغيدي خلال اللقاء: مختارتش أكون جريئة، أنا فعلا جريئة وحياتي كلها فيها جرأة وأنا مكنتش متخيلة إني جريئة، وبتصرف عادي ولكني طلعت جريئة، ولما دخلت الفن ومعهد السينما كان بالنسبة لي لحظة جرأة لأننا من عيلة ملهاش علاقة بالفن، وعيلة ملتزمة دينيًا ووالدي كان مدرس لغة عربية ودين.
وأكدت إيناس الدغيدي أنها لم تفكر في الحرام طيلة حياتها موضحة: مفكرتش في الحرام كتير، ومش حطاه التارجت بتاع حياتي، لأني لو فكرت وقلت حرام حرام، مكنتش عملت أي حاجة في حياتي.
وتابعت: الناس شايفني عملت الحرام أكبر بكتير من اللي أنا عملته لأن أفكاري وجرأتي أدت انطباع غير شخصيتي الطبيعية خالص، لكن أنا مش بشرب خمرة ولا سجاير وعلاقاتي مظبوطة ومناسبني سنًا وعقلًا ومش بعمل علاقة من تحت الترابيزة
وأردفت: وممكن أدخل علاقة الناس تشوفها حرام لكن أنا بشوفها عادية طالما فيها صدق وحب واهتمام، وما بحاسبش روحي بالحلال والحرام، وأفكاري الجريئة ظلمتني زمان وقدرتني النهارده لأن اللي بيتعمل أكتر بكتير من اللي قلته.
وكشفت تفاصيل تجربتها مع المساكنة قائلة: عمري ما اتجوزت عرفي، لكني عشت المساكنة مع جوزي قبل ما أتجوزه أكيد، لأني قعدت تسع سنين بحبه، ومش فاكرة المساكنة كانت كام سنة بالظبط.