بعد تصدره ترند جوجل.. تعرف على قصة أحمد صيام مع سرطان الرئة

تصدر الفنان أحمد صيام، ترند محركات البحث جوجل وذلك بعد عودة انتشار مقطع فيديو له وهو يتحدث عن إصابته بمرض سرطان الرئة وقيامه بعملية جراحية وتلقيه للكيماوي بسبب التدخين.

قال أحمد صيام في تصريحات تليفزيونية: "كنت أدخن 6 علب سجائر يوميا، كنت شرها في التدخين وفي لحظة صحيت من النوم لقيت الدنيا مهزوزة صحيا وقتها خوفت وقررت ماشربش سجائر ورميت السجائر إللي عندي".

وأضاف: "بعد ما أقلعت عن التدخين بيوم واحد قررت أذهب للطبيب وأكشف وبعد عمل التحاليل والأشعة فجأة لقيته بيقولي عندك سرطان في الرئة".

وتابع: "ليا زوجة أخويا طبيبة قالت لي لازم ناخد عينة ونحلل ونمشي في طريق العلاج، قلت لها لا هنحلل ولا هنعمل ومتجبيش سيرة لحد وهنسيب الجثة مقفولة لغاية لما نسلمها لأصحابها وتاني يوم قالت لي فيه طبيب شاب زميلنا أخصائي جراحة قلب وصدر وهو بيحبك وعايزك تروح له العيادة تدردش معاه".

وختم قائلا: "روحت للطبيب عيادته لقيته شاب أسمر لطيف، وعنده ابتسامة لطيفة جدا وقال لي بيقولوا علينا جزارين وأنا مش هقولك هندخل عمليات ونشيل الورم، الورم بتاعك على فص من الفصوص الثلاثة اللي في الرئة اليمين وإحنا هندخل نشيل الفص ده قلت له تمام نعمل العملية".