"صوت لا يعوض".. تعرف على أمنية هاني شاكر لـ شيرين عبد الوهاب

دعم الفنان هاني شاكر الفنانة شيرين عبد الوهاب من خلال رسالة لها عبر أحد البرامج التليفزيونية اللبنانية.

قال هاني شاكر: “بتمنى من كل قلبي إن شيرين توصل للهدوء النفسي والعاطفي والعائلي، وترجع لينا مرة تانية لأن الفترة اللي بتمر بيها دلوقتي صعبة وهي من الأصوات التي لا تعوض”.

وكانت شيرين عبد الوهاب طرحت منذ أيام قليلة أغنيتين جدد من ألبومها الذي تحضر له حالياً، شيرين لجأت لطرح الأغاني على حسابها الخاص الجديد على موقع إكس وعلى قناتها على يوتيوب، وهما:

“بتمنى أنساك” وجاءت كلماتها كالتالي:

بتمنى أنساك زي ما أنت نسيتني في يوم

بتمنى أنساك وأنسى إني حبيتك يوم..

وييجي النوم أو ييجي الموت.. بس يسكت صوت

الآها والعتاب واللوم اللوم.. بتمني أنساك.. أنا بتمنى أنساك

هو أنا حبيتك ليه؟ صدقت كلام أوهام.. وصحيت على نار وآلام

والأغنية الثانية بعنوان “اللي يقابل حبيبي”.. وكلماتها تقول:

اللي يقابل حبيبي سلامي أنا له، لو بيني وبينه إيه ده مهما كان حبيبي والبعد الله يجازيه.. اللي يقابل حبيبي ياخد صورة معاه يبعتها من وراه أسرح في عيون حبيبي وأحكيله عن الحياة.