ساموزين لـ"وشوشة": كان في معجب عاوز يتصور معايا فقام ماسكني من البنطلون بتاعي وسحبني منه
حل المطرب ساموزين، ضيفًا في ندوة فنّية بموقع "وشوشة"، بحضور رئيس التحرير الكاتب الصحفى عمرو صحصاح، وكشف تفاصيل موقف كوميدي حدث معه من قبل أحد المعجبين أثناء غنائه على المسرح.
وقال ساموزين في تصريح خاص لـ"وشوشة": حصلي موقف غريب لكن أنا كول وهادي، حد من المعجبين كان عاوز يتصور معايا سيلفي وأنا بغني فهو بيحاول يمسكني من الجاكيت ينزلني لتحت عنده عشان كنت عالمسرح وهو تحت شوية.
وأضاف: فبتصور معاه ولقيته مسكني من البنطلون، فحاولت أتصور معاه واتفاجئت إنه وهو ماشي، قام ساحبني من البنطلون بتاعي وهو ماشي لحدما نزلت معاه ومشيت وقولتله ياعم هو ينفع أمشي من غير بنطلون؟.
وتابع: بيحصلنا مواقف كتير ولازم نقدر إن دي محبة من جمهورك وتقدير للحب دة لازم تصبر وتتقبل وتتعود على المواقف دي لأن كفاية إن جمهورك يحبك.
ساموزين يطرح أغنية "الحب"
وكان ساموزين، قد طرح أحدث أعمالة الغنائية الجديدة، وهي أغنية تحمل اسم "الحب"، على موقع الفيديوهات "يوتيوب"، والتي صورها على طريقة الفيديو كليب.
الأغنية من كلمات أحمد جابر، وألحان عمرو العزبي، ومحمد شحاتة، وتوزيع وميكس وماستر وسام عبد المنعم، والكليب من إخراج إسماعيل الأبرص.