حسام حبيب لـ"وشوشة": أنا تعبان نفسيًا من كلام شيرين.. خناقتها كانت مع بنتها وفي حاجات عملتها مينفعش أقولها
أعرب الفنان حسام حبيب، عن اندهاشه الشديد، من الأخبار المتداولة بشأن تحرير المطربة شيرين عبد الوهاب، محضرَا ضده بعد نشوب خلاف حاد بينها وتعديه بالضرب عليها.
حسام حبيب وفي أول تعليق له، قال في تصريح خاص لـ"وشوشة": لا طبعًا الكلام دة مش صح ومحصلش، والخناقة أنا مش طرف فيها وكل اللي عملته حوشت بينهم.
وأضاف: في حاجات شيرين عملتها وأنا مستحيل هقولها ومش عاوز أتكلم عنها بطريقة مش حلوة، وفي حاجات عملتها مع بنتها كمان مستحيل أقولها إلا أما بنتها توافق إني أقولها أو والد البنت يوافق، أنا مش طرف في القصة أصلا وعندي ذهول من كل اللي بيحصل دة أكتر من الناس.
وتابع: دة العادي بتاع شيرين أصلًا، قبل كدة طلعت قالت سرق مني وعمل حاجات وبعدها تطلع تقول مسرقش، ومن يومين قالت معاه حق وهو الصح والنهاردة تقول كدة، أنا مش عارف ليه بيحصل كدة أنا هتجنن أكتر منكم.
واختتم: أنا مذهول ونفسيًا مش مظبوط خاصة المره دي لأني مش طرف أساسًا في الموضوع كله، الخناقة كانت بينها وبين بنتها.
وكان حسين والد حسام حبيب قد علق سابقًا على أنباء مشاجرته مع شيرين، وقال في تصريحات خاصة لـ"وشوشة": معنديش فكرة عن اللي بيحصل بينهم دة كله، أنا كمان مش بتواصل مع حسام ابني.