عمرو يوسف يرفض تقديم جزء رابع لـ"ولاد رزق" .. اعرف السبب
حل الفنان عمرو يوسف، ضيفا على برنامج الراديو بيضحك، الذي تقدمه الإعلامية فاطمة مصطفى، عبر إذاعة راديو 9090، وتحدث عن إمكانية وجود جزء رابع من فيلم ولاد رزق بعد الإعلان عنه.
وأكد عمرو يوسف أنه يرفض تقديم جزء رابع خلال سنة قائلًا: "الفرق بين جزء وجزء بياخد حوالي 4 سنين فاحنا لسه بناخد نفسنا، إحنا منقدرش نضحك على الناس ونديهم أي حاجة، إحنا لازم ناخد وقتنا والموضوع بياخد تركيز وشغل وبياخد تحضير كبير جدا ما قبل التصوير، وأتمنى يبقى فيه جزء رابع وخامس بس لازم يتعمل بتدقيق كبير".
وأضاف: "كنت قلقان عشان عايز أطلع أحسن حاجة وعايز الكواليتي تطلع كويسة والدور أطلع منه أحسن ما عندي وده في أي حاجة أنا بعملها لكن أما يكون في حاجة الجزء الاول والثاني منها حققوا كل هذا النجاح العبء بيكون أصعب".
وتابع: "بس بردو مش ناسي إزاي الجمهور كان حابب فكرة الفيلم فزي ما كان فيه خوف وقلق كنت متأكد أنه العمل كون جمهور وليه ناس بتحبه، وده خلاني اجمد قلبي واشتغل لأني بنيت علاقة كبيرة مع الجمهور على مدار 10 سنوات".