بعد تصريح أحمد عز.. هؤلاء الفنانين استنكروا وجود "نمبر وان"
أكد الفنان أحمد عز خلال المؤتمر الصحفي للعرض الخاص لفيلم ولاد رزق 3، أن جميع الأفلام في السينمات يعتبرها نمبر وان، وليس فيلمه ولاد رزق 3 فقط، ولا يوجد شئ معين يمكن أن نطلق عليه اللقب، متمنيا النجاح لكل زملائه قائلا: "النجاح وسط ناس ناجحين أمتع من النجاح بمفردي".
وخلال السطور التالية نوضح أبرز الفنانين اللذين استنكروا جملة "نمبر وان".
أكد الفنان مراد مكرم أنه لا يوجد شيئ اسمه "نمبر وان" وذلك خلال تصريحات تلفزيونية له قائلا: "أنا دايما بالنسبة لي الممثلين فاكهة وكل واحد بياكل الفاكهة اللي بيحبها وكل واحد بيتابع الفنان اللي بيحبه، وفيه الأسلوب الأمريكي اللي مبني على الأسلوب اليهودي في الماركتنيج أنا أعمل زخم حواليا".
أكدت الفنانة والإعلامية منى عبدالغني، أنه لا يصح وصف أحد بأنه "نمبر وان"، مضيفة "مينفعش حتى اللي هما بنحطهم في مكانة معينة في قمة الهرم كفنانين سواء ممثل أو مطرب مبيقولش أنا نمبر وان، وأنا بشوف أن فيه قمم عندنا ومحدش يقدر ينكر إن كان فيه عبدالوهاب وأم كلثوم والسنباطي وكان فيه قمة وتنافس والتنافس ده اللي بيخلق حالة من الإبداع".
وأوضحت الفنانة سماح أنور أنه لا يوجد ما يسمى أفضل فنان على الإطلاق، قائلة: "مفيش في الفن حاجة اسمها أحسن خالص وفيه نمبر وان وفيه التاني والتالت لان دي أرقام لكن في الفن كله قمر، مفيش حد مش قمر خالص"، وأضافت: "كل واحد نجم النجم ده منتج بيتحط في حاجة يجيب فلوس وده شغل إنتاج وشو بيزنس".