ريم البارودي: هلطم على وشي بسبب وفاء عامر
الأحد 31/مارس/2024 - 04:35 ص
ريم البارودي
جيجي محمود
انتقدت الفنانة ريم البارودي، الفنانة وفاء عامر، قائلة : مش بكلمها من سنة وشهرين وزعلانة منها، فيه حد مسخنها عليا وفي أزمتي أنا وأحمد سعد ادخلت رغم أنها مسمعتش من الطرفين وفي أزمتي مع ريهام سعيد مدخلتش معللة إنها مسمعتش المشكلة من الطرفين.
وأضافت من خلال الجزء الثاني من لقائها ببرنامج "العرافة" المذاع علي قناة "النهار"، السبت، وفاء عامر ست بتاعت ربنا وبتصلي وبتعمل عمرة وطلعت حج وعندها عمر وبقولها ليه تقولي مش هاتدخل في أزمة ريم البارودي لأني مسمعتش من ريهام سعيد رغم انها عارفة كل القصة كاملة.
وتابعت: انا هلطم علي وشي وهقطع شراييني من وفاء عامر وتصريحاتها واللي بتعمله معايا أنا اصلا مش بكلمها وفاء عامر الممثلة الوحيدة اللي حضرت فرح المتهم بانتهاك حرمة حياتي الخاصة معرفش ليه المخرج محمد سامي مبيحبنيش وماعنديش معلومة وبقيت اتفاجئ ومش عارف مين بيحبني ومين مبيحبنيش.
وأوضحت: رفضت مسلسل جري الوحوش مرتين لأني عملت دور في الباطنية وأخاف اعيد تجربة مش معمول حسابها في حاجات كتير وانا اكتر واحدة اعتذرت عن أعمال وبختار الأعمال بعناية شديدة.
