محمد إمام: لهذا السبب والدي عاملي مشكلة كبيرة
الأحد 21/يناير/2024 - 02:44 م
محمد إمام
جيجي محمود
قال الفنان محمد إمام ، إن نجاح فيلم أبو نسب يرجع لوجود مخرج كبير أخويا رامي إمام والفنان الكبير ماجد الكدواني اللي أعطى للفيلم ثقل وحبيت الشغل معاه ومع الفنانة ياسمين صبري والحمد لله ربنا بيوفقني في الأفلام والإيرادات.
وأضاف من خلال قناة ام بى سي مصر، متأثر بالفن من صغري بس فكرة إن عادل إمام وبيمثل كانت مشكلة كبيرة ليا في أول مشواري علشان أبويا وخاصة إنه الزعيم عادل إمام بس الحمد لله مكنتش مركز في أي كلام وحش بيتقال كنت مركز في شغلي وفيه مشوار عايز أمشي فيه وفيه حتة معينة عايز أوصلها.
وتابع: عندي إعجاب وفضولية لهوليوود وإن شاء الله الفرصة تيجي قريب وعيني عليهم علشان منفضلش في المحلية أي مشروع بينجح أول حاجة ببص لها شباك التذاكر والإيرادات وطبعا الناس بعيدا عن السوشيال ميديا.
