السيسى عن المشروعات القومية: إحنا بنعمل حاجتنا بنفسنا وبفلوسنا
الثلاثاء 07/سبتمبر/2021 - 01:33 م
جهاد محمود
وجه الرئيس عبد الفتاح السيسي، الشكر لوزارة النقل على جهود تطوير موانئ الإسكندرية.
وقال الرئيس السيسي خلال كلمته على هامش تفقده ميناء الاسكندرية البحري وإطلاعه علي عملية التطوير في مرافقه خاصة المحطة اللوجستية متعددة الاغراض والارصفة البحرية ومستودعات التخزين الحديثة، اليوم الثلاثاء، إنه على مدى سنوات ماضية عند الحديث عن مثل هذه المشروعات كنا نطلب من المستثمرين المساهمة في أعمال التطوير، وهذا حدث في الدولة من قبل ولكن الآن لا نفعل هذا مضيفا إحنا بنعمل حاجتنا بنفسنا وبفلوسنا، يتكلف 10-20-30 لكن بتاعنا.
وتابع إحنا عايزين المستثمرين معانا ومعندناش مشكلة لكن علشان نيسر علينا وعليهم وعلشان نحقق المستهدف علشان نقول تعالوا ادخلوا هيواجهوا عقبات لكن إحنا لو الموضوع محتاج ننزع ملكية ونعوض الناس بنعمل كده لما نعمل حاجتنا بنفسنا هنقدر ننفذ المشروع في الوقت اللي إحنا عايزينه وبدقة وبأقل تكلفة وده بينطبق على كتير من أشغالنا وكل اللي بنقول عليه بنفذه وزيادة.
