سماح أنور: "بحب الموت جدًا وعايزة أقعد مع ربنا"
الأربعاء 05/مايو/2021 - 04:11 ص
أميرة عبد الهادي
قالت الفنانة سماح أنور، إنها تحب الموت لكنها لم تفكر يوما في الانتحار حتى طوال فترة مرضها التي كانت فيها مشلولة.
وأضافت "أنور"، خلال لقائها ببرنامج "لحظات جريئة" المذاع عبر فضائية "القاهرة والناس": "الموت ده حبيبي، بحبه جدا ومبخفش منه، أنا بخاف من الحياة، نفسي أموت طول عمري، وأعرف اللي جاي".
وتابعت: "إذا كان الناس لذيذة كده اللي عملهم يبقى عامل إزاي؟ عايزة أقعد مع ربنا"، متابعة: "كأنك في فيلم قرب يخلص، عايز تقوم عشان تشوف هتروح فين تاني، إحنا هنا مصعبينها مع بعض، الوضع بعيد عن الكوكب ده هيبقى أفضل".
ولفتت إلى أنها أجرت 42 عملية فى 11 سنة بسبب الحادثة وعرفت غلاوتها عند الناس بسببها، مؤكدة أن الاتصالات للاطمئنان عليها لم تتوقف يوما طوال 11 سنة، مردفة: "كنت بانتقل من بلد لبلد وكانوا يكلموا أمي وأبويا وياخدوا النمرة يتصلوا عليا".
