حسام موافي: الأبناء مش رزق.. وممكن ربنا يحجبهم علشان ميعذبوش أهلهم!
قال الدكتور حسام موافي، إن الأموال تُعد من الرزق، بينما الأولاد ليسوا كذلك، مؤكدًا أن الله لم يصف الأبناء بأنهم رزق وإنما "هبة".
وأوضح حسام موافي، خلال حديثه في برنامج "رب زدني علما" المذاع على قناة صدى البلد: "ربنا لما اتكلم عن المال قال: يرزق من يشاء، لكن لما اتكلم عن الأولاد قال: يهب لمن يشاء، يعني الأولاد هدية مش رزق".
وأضاف: “لو الهدية مش مناسبة، مش هتجيلك. ممكن يكون ربنا حاجب عنك الابن لأنه يعلم أنه هيكون سبب في عذابك، يمكن يطلع مجرم أو تاجر مخدرات أو قاتل، وربنا بيمنع ده عنك رحمة بيك”.
واستشهد بواقعة النبي موسى والخضر عليهما السلام، قائلًا: “سيدنا الخضر لما كان ماشي مع سيدنا موسى قتل ولد، والسبب إنه كان هيعذب أبوه وأمه، وده كان بأمر من الله”و
ووجه حديثه للنساء اللاتي يعانين من تأخر الإنجاب قائلاً: "الكلام ده للست اللي مش بتخلف، وأنا بقول لازم نعيد النظر في مفهوم مراكز علاج العقم، لأن العقم ده مش مرض، ده ختم من ربنا، ومعناها إن الست دي مش هتخلف."