أحمد الرافعي: دوري في "الكابتن" شبيه للجوكر
تحدّث الفنان أحمد الرافعي عن كواليس تقديمه لدوره في مسلسل "الكابتن"، كاشفًا عن الصعوبات الفنية والنفسية التي واجهها في تجسيد الشخصية، والتي وصفها بأنها حالة معقدة تم تقديمها عالميًا من قبل، لكن هذه المرة في سياق مختلف تمامًا.
وقال أحمد الرافعي، خلال حديثه في بودكاست "فايق ورايق": “الدور أو الحالة دي شفناها معمولة قبل كدة على مستوى عالمي، لما يواكيم فينيكس قدّمها في "الجوكر”، لكن هناك كانت في سياق ظلامي وقابل للاستيعاب".
وتابع حديثه: "أن التحدي بالنسباله إن الدور في مسلسل "الكابتن" كان لازم يتقدم في إطار كوميدي، ودة كان محتاج توازن صعب، لأن الشخصية لا ينفع تبقى تقيلة الدم، وفي نفس الوقت مينفعش تتلغي".
وأضاف: “في البداية قلت لنفسي هو أنا هعرف أعمل الدور دة، ولما بلاقي جوايا إجابة مترددة، دة بيديلي دافع أكبر، لأن دة معناه إن في رحلة قدامي، محتاجة تدريب إضافي واستكشاف لمجهول شكله صعب، وده بيخليني أقول يلا بينا نبدأ التحدي”.