أحمد الرافعي: "ولاد رزق" كان بوابة التحول.. وكنت مستني الفرصة زي الهداف قدام الجول
أعرب الفنان أحمد الرافعي عن سعادته الكبيرة بمشاركته في موسم دراما رمضان هذا العام، مؤكدًا أن التجربة جاءت على حد وصفه "على الهوا والكيف"، بعيدًا عن تقييم الموسم كقوي أو ضعيف.
وقال أحمد الرافعي، خلال حديثه في بودكاست "فايق ورايق": “الموسم جه على الهوا والكيف بالنسبالي، لأن الجو العام كان مسيطر عليه نوع من الركود، أو زي ما بحب أقول الآلة بتاعة الإسهال والتنمية كانت مخيمة، فكان نادر تلاقي حد مستعد يعمل حاجة مختلفة، لكن بعد فيلم ”ولاد رزق" كان عندي رجاء أو تصور إني أعمل حاجة كوميدي في رمضان، والحمد لله عملت حاجتين مش واحدة بس".
وأشار أنه عاش حالة من السعادة الكبيرة بعد مشاركته في فيلم "ولاد رزق"، مشيدًا برؤية المخرج طارق العريان الذي اختاره للدور.
وأضاف: “فكرة إن أستاذ طارق العريان اختارني كانت من منظور مين ممكن يعمل حاجة مغايرة، ووقت ما قعدت معاه، حسيت إنه واثق فيّ جدًا، وقلت لنفسي هو بجد واثق فيا كدة، الحمد لله لعبت الدور كويس، وكنت مستني الفرصة دي زي الهداف اللي مستني حد يباصي له الكورة قدام الجول”.