عمرو سلامة عن "برستيج": دخلت مغامرة خارج المألوف.. والكوميديا والجريمة أكبر تحدياتي

كشف المخرج عمرو سلامة عن أسباب حماسه لتجربة إخراج مسلسل "برستيج"، مؤكدًا أن أكثر ما جذبه للمشروع هو كونه تجربة مختلفة تمامًا عن أعماله السابقة، وتمثل خروجًا واضحًا عن منطقة الراحة الخاصة به.

وقال عمرو سلامة، خلال حواره مع قناة "المشهد لايت": "حسيت إن التجربة غريبة ومختلفة وبرا المعتاد اللي بعمله، فقررت أجرب فيها حاجات جديدة جدًا، حسيت إن فيها تحدي فني كبير، خاصة الدمج بين الكوميديا والجريمة بشكل لذيذ". 

وأضاف: "الفن فيه أنواع كوميدية لذيذة جدًا، وده شيء شجعني على الاشتراك في مشروع زي دة، خصوصًا مع تنوع الكاست، واللوكيشن الجديد عليا، وتقريبًا كل حاجة في المسلسل جديدة عليا، ودة كان دافع قوي إني أتعلم حاجات جديدة".

وتابع قائلاً: "أكبر تحدي في المسلسل كان إزاي نوازن بين الكوميديا والجريمة، وأنا مؤمن إن الناس مش هتضحك قوي لو مشغولة بالتفكير، ومش هتفكر قوي لو حسّت إن الموضوع ضحك أوي، فالمعادلة دي كانت أكبر تحدي فني بالنسبة لي".