ريهام سعيد: جنازة سليمان عيد كانت الأصعب!
تحدثت الإعلامية ريهام سعيد عن الفرق الواضح بين الجنازات التي تحضرها، مشيرة إلى أن جنازة الفنان الراحل سليمان عيد كانت من الجنازات القليلة التي شعرت فيها بالحزن الحقيقي والصدمة الجماعية.
وقالت ريهام سعيد، خلال حديثها في برنامج "صبايا الخير" المذاع على قناة النهار: "بنفقد كتير من قرايبنا وفنانينا، ولكن الحقيقة إن السيرة بتبان والبني آدم بيبان في جنازته الصورة بتكون واضحة جدًا، فيه جنازات تلاقي قدامها عربيات فاخرة وناس مهمة في المجتمع، ورجال أعمال وفنانين. فيتقال إن العزاء ده كان مهم، بس الحزن الحقيقي بيكون غايب".
وتابعت: "من الجنازات القليلة اللي شوفت فيها حزن حقيقي كانت جنازة سليمان عيد. من زمان أوي مشوفتش جنازة بالمنظر ده. الصمت كان مخيّم على الجميع، والناس كلها كانت في حالة صدمة".
وأشارت ريهام إلى أن بعض الجنازات أصبحت وكأنها تجمعات اجتماعية، قائلة: "ممكن تروح جنازة فيها فنانين وناس مهمة وتلاقي الناس واقفة بترغي وتضحك، لكن جنازة سليمان عيد كانت مختلفة. كانت جنازة بجد".